ექვსი მიზეზი რის გამოც შეიძლება შენმა ვებ-გვერდმა დაკარგოს მომხმარებელი

ექვსი მიზეზი რის გამოც შეიძლება შენმა ვებ-გვერდმა დაკარგოს მომხმარებელი

 

 

 

შენს ვებ-გვერდზე მომხმარებლები პირველად ხვდებიან შენს ბიზნესს, პირველი შთაბეჭდილება კი არა მხოლოდ ადამიანებთა ურთიერთობისთვისაა მნიშვნელოვანი, არამედ გადამწყვეტ როლს თამაშობს ბიზნესის წარმატებაში.    Google-ს ეპოქაში, როდესაც კონკურენტები ერთმანეთისგან მხოლოდ ერთი „კლიკით“(Click) არიან დაშორებული, შთაბეჭდილების მოხდენის მეორე შანსი შესაძლოა აღარ გქონდეს.

არავინ იცის შენი ბიზნესის შესახებ შენზე უკეთ, ამიტომ საიტისთვის კონტენტის მოფიქრება მარტივი გეჩვენება, მაგრამ ვებ-კონტენტი მეტია, ვიდრე უბრალო სიტყვები. იმის ცოდნა, თუ რა უნდა იწერებოდეს შენს საიტზე და რა არა, გაძლევს გარანტიას, რომ მომხმარებლები გაცილებით ხშირად და დიდი ხნით დარჩებიან შენს საიტზე.

1. შეადგინე კონტენტი სწორად
ოქროს შუალედი ყველაფერში მნიშვნელოვანია. მაგალითად. ვებ-კონტენტის შექმნის დროს აუცილებელია დავიცვათ ბალანსი ძალიან ბევრსა და ძალიან ცოტას შორის. კონტენტი პასუხს უნდა სცემდეს ყველა ძირითად კითხვას, რომელიც შეიძლება მომხმარებელს გაუჩნდეს. „ვინ ხარ?“; „რას საქმიანობ?“; „რას სთავაზობ მომხმარებელს?“; საიტი, რომელიც ჩამოთვლილთაგან რამდენიმე კითხვას მაინც ვერ სცემს პასუხს, გამოუსადეგარია.

ერთია, როდესაც იცი, რა უნდა უთხრა მომხმარებელს, მაგრამ ასევე მნიშვნელოვანია იცოდე ის, თუ რა არ უნდა უთხრა მას. შესაძლოა საათობით საუბრობდე საკუთარ ბიზნესზე, საინტერესოდ გეჩვენებოდეს მისი დაარსების ისტორია, მაგრამ მომხმარებლისთვის ის მხოლოდ ტექსტია, რომელიც დიდ ადგილს იკავებს მის ეკრანზე. რაოდენობა ყოველთვის ხარისხთან არ ასოცირდება.

გარდა იმისა, რომ კონტენტი უნდა იყოს კითხვადი, მას ასევე სჭირდება SEO-ს ოპტიმიზაცია. ეს არ ნიშნავს იმას, რომ საიტი დახუნძლო საკვანძო სიტყვებით. რამდენადაც არ უნდა ეცადო, საძიებო სისტემების ალგორითმი იმდენად რთულადაა მოწყობილი, რომ მხოლოდ ასეთი სიტყვების გამოყენებით ვერ გააცურებთ. აუცილებელია SEO-ს ოპტიმზაცია, რადგან მის გარეშე ყველაზე კარგად დაწყობილი საიტიც კი შეიძლება გამოხმაურების გარეშე დარჩეს.

საუკეთესო გზა იმისთვის, რომ მიხვდე, რა კონტენტი გჭირდება საიტისთვის, არის ის, რომ დააყენო საკუთარი თავი შენი მომხმარებლების ადგილას და იფიქრო იმაზე თუ რას ეძებენ ადამიანები შენს საიტზე.

2. იცოდე, რას ითხოვს შენი მომხმარებელი
მანამ, სანმამ უშუალოდ კონტენტის შექმნას შეუდგები, უნდა გაიგო, თუ რას ელის შენგან მომხმარებელი. შენ უკვე იცი, რა უნდა შესთავაზო ადამიანებს, ფლობ მათ შესახებ საბაზისო ინფორმაციას, მაგრამ რა სჭირდებათ მათ?
შესაძლოა, ეს მარტივ კითხვად გეჩვენებოდეს და პასუხიც მარტივად გასცე. მაგალითად, თუკი შენი ბიზნესი სთავაზობს სპეციალურ სწავლებას სხვა კომპანიებსა და მათ თანამშრომლებს, პასუხი მარტივად გვესახება – მომხმარებლებს სჭირდებათ სწავლება. თუმცა, მნიშვნელოვანია ზედაპირიდან სიღრმისკენ გადავინაცვლოთ და არ დავჯერდეთ პასუხებს, რომლებიც ისედაც აშკარაა. რატომ სჭირდება შენს აუდიტორიას სწავლება? რა მოთხოვნები აქვთ მათ? რამდენად კმაყოფილები იქნებიან შენი მომსახურებით? იმის მიხედვით, თუ რა სჭირდება შენს აუდიტორიას, შეგიძლია დასახო შენი მომავალი მიზნები და მოერგო მათ მოთხოვნილებებს.

3. გახადე საიტი მიმზიდველი
,,გველსა ხვრელით ამოიყვანს ენა ტკბილად მოუბარი“ – სიტყვებს დიდი ძალა აქვთ და კარგ მწერალს შეუძლია ისინი კარგად გამოიყენოს, მაგრამ ეს ყველაფერი არ არის. მიმზიდველი, გასაგები და უბრალო გრაფიკული დიზაინი აიძულებს მომხმარებელს მეტი დრო გაატაროს შენს საიტზე და მიიღოს ინფორმაცია შენი ბიზნესის შესახებ.
თუკი თქვენ ყიდით პროდუქტს, აუცილებელია მათი ხარისხიანი, პროფესიონალური ფოტოები. შენი საიტის ვიზუალი არის უმნიშვნელოვანესი მომხმარებელთა დაინტერესებისთვის. მაგალითად, თუკი “Call to Action” ღილაკი არ იქნება კონკრეტული, გასაგები და მისაღები, მომხმარებელი მას უბრალოდ დააიგნორებს. გახსოვდეს, რას ითხოვს შენი მომხმარებელი და გახადე მათთვის მიმზიდველი შენი შეთავაზებები.

4. იამაყე!
რამდენად უცნაურად არ უნდა ჟღერდეს, თავდაჯერებულობა შეუდარებელია.
შეგიძლია შესთავაზო მომხმარებელს ბიზნესის ობიექტური დახასიათება, მაგრამ რას მოგცემს ეს?! უმჯობესია დააინტრიგო და ააფორიაქო შენი აუდიტორია, მოუყვე მათ თანამედროვე პირობებზე, ინოვაციურ პროდუქტებსა და განუმეორებელ შეთავაზებებზე.
შენი ბიზნესის გაცნობისას მომხმარებელი არა მხოლოდ ეძებს ინფორმაციას, არამედ სჭირდება ხელჩასაჭიდი, რომ გენდოს. წარმოაჩინე საკუთარი ავტორიტეტი შესაბამისი მაგალითების მოხმობით, იამაყე საკუთარი წარმატებით და გააცანი საკუთარი მიღწევები აუდიტორიას.

5. შექმენი სივრცე მარტივი ნავიგაციისთვის

აზრი არ აქვს საიტის დატვირთვას სხვადასხვა ინფორმაციით, თუკი მას ვერავინ იპოვის. მომხმარებელთა მხოლოდ მცირე ნაწილი იქნება მზად იმისთვის, რომ საიტის სიღრმეებში იმოგზაუროს. დარწმუნდი, რომ საძიებო სისტემა და მენიუ მოსახერხებელია და მიიყვანს მომხმარებელს იმ გვერდამდე, რომელიც მას აინტერესებს.

6. მარკეტინგული სტრატეგია

დამაჯერებელი მარკეტინგული კამპანია ხელოვნებაა. მიზანმიმართული მარკეტინგული სტრატეგია ზოგავს შენს დროსა და რესურსებს. როდესაც უკვე გაქვს მარკეტინგული სტრატეგია, ყველაფერი გაცილებით მარტივი ხდება, იწყებ დეტალებზე ორიენტირებას და განიხილავ კონკრეტულ ნაბიჯებს.

საუკეთესო მარკეტინგული იდეები გამოცდილებიდან და ცოდნიდან იბადება, დაარწმუნეთ აუდიტორია საკუთარ ავტორიტეტში, ხოლო მიმზიდველი დიზაინისა და კონტენტის დახმარებით, თქვენი საიტი გახდება საუკეთესო საშუალება მომხმარებელთა გულების მოსაგებად და თქვენი ბიზნესის წარმატებისთვის.

მოგვწერეთ