ლოგოს მნიშვნელობა თქვენი ბიზნესისთვის

ლოგოს მნიშვნელობა თქვენი ბიზნესისთვის

ბრენდის იდენტობის ყველაზე თვალნათელი გამოხატულება ლოგოა. ფერიდან დაწყებული, შრიფტის ზომით დამთავრებული, თითოეულ დეტალს აქვს დატვირთვა. არ დაგავიწყდეთ, რომ ლოგოს იმხელა მნიშვნელობა აქვს, რომ უდიდესი ბრენდების ლოგოებს (მაშინაც კი თუ კომპანიის სახელი ლოგოში არ ფიგურირებს) ადამიანები ძალიან ადვილად ცნობენ.

ლოგო

თუ თქვენ ჯერ კიდევ არ გიფიქრიათ ლოგოს შექმნაზე თქვენი ბიზნესისათვის, გთავაზობთ 5 მიზეზს, თუ რატომაა ლოგო კომპანიისათვის უკიდურესად მნიშვნელოვანი.

  1. ლოგო ამჟღავნებს ბრენდის იდენტობას

კორპორატიული ლოგო სწორედ იმ მიზნით იქმნება, რომ ის ბრენდის/კომპანიის „სახე“ იყოს. ლოგო კომპანიის უნიკალური იდენტობის გრაფიკული ასახვაა. ფერების, ფორმის, შრიფტის და მთლიანად გამოსახულების მეშვეობით, ლოგო მომხმარებლებს კომპანიის შესახებ ინფორმაციას აწვდის. ლოგომ უნდა შეუქმნას წარმოდგენა მომხმარებლებს, ვინ ხართ, რა სერვისს ან პროდუქტს ყიდით და რა უპირატესობას სთავაზობთ მომხმარებლებს.

  1. ლოგო იზიდავს ახალ მომხმარებლებს

კარგი ლოგო რომელიც იქცევს მომხმარებლების ყურადღებას, წარმატებული ბიზნესის საწინდარია. ადამიანებს იზიდავთ საინტერესო დიზაინი და ფერები. ლოგო ინტერესს აღძრავს მომხმარებლებში. უნდა გახსოვდეთ ისიც, რომ დაბალი ხარისხის ლოგო საპირისპიროდ – „განიზიდავს“ მომხმარებლებს, მათ თავიდანვე ექმნებათ უარყოფითი განწყობა ბიზნესისადმი. მაგალითებით რომ ვიმსჯელოთ – წითელი მომხმარებლებისთვის სისხლისა და ცეცხლის ინტენსიურობასთან ასოცირდება და აღძრავს ისეთ ემოციას, რომელიც დაკავშირებულია აგრესიულობასთან, სიყვარულთან, ვნებასთან. ლურჯი ადამიანებს ქვეცნობიერად ცას და ზღვას ახსენებთ და აგონებთ სიმშვიდეს, ნდობას, კომფორტს, რწმენას. ასე რომ, თქვენ იმაზეც კი უნდა იფიქროთ, თუ რის კომუნიკაციას მოახდენთ და როგორი კლიენტების მოზიდვა გსურთ.

  1. ლოგო გამოგარჩევთ კონკურენტებისაგან

კონკრეტულ ინდუსტრიებს ხშირად სპეციფიკური სიმბოლიკა ახასიათებთ. თქვენ უნდა იზრუნოთ, რომ თქვენი ლოგო არ იყოს შაბლონური. ლოგო უნდა გადმოსცემდეს კომპანიის იდენტობას და ამავდროულად გამოგარჩევდეთ კონკურენტებისაგან. კარგი ლოგოს დანახვისას, მომხმარებელს წინასწარ უჩნდება განწყობა – კომპანიაში კომპეტენტური პროფესიონალები მუშაობენ.

  1. ლოგო ხელს უწყობს ბრენდისადმი ერთგულების გაღვივებას

ცოტა ხნის წინ პოპულარულმა ქართულმა ფარმაცევტულმა კომპანიამ – „ჯიპისიმ“, კომპანიის ლოგო შეცვალა. ბევრი მომხმარებელი უკმაყოფილო იყო ცვლილებით, რადგან ისინი მიჩვეული და გარკვეულწილად მიჯაჭვული იყვნენ ძველ ლოგოს და მის მიმართ ჰქონდათ სანდოობის განცდა.

ბრენდისადმი ლოიალურობა ყველა კომპანიისათვის მნიშვნელოვანია, მის შენებაში კი ლოგო ხშირად გადამწყვეტ როლს თამაშობს. დახლზე ყოველთვის უფრო ადვილია იმ ლოგოს მოძებნა, რომელიც მკაფიო, ლამაზი და ადვილად დასამახსოვრებელია.

  1. ლოგო შეიძლება განთავსდეს ყველგან

ლოგო შესაძლოა განთავსდეს შეფუთვაზე, ვებგვერდზე, ფიგურირებდეს სოციალურ მედიაში, აუთდორ რეკლამაზე, იმეილ კამპანიაში, მაისურებზე თუ სხვა ბრენდირებულ ნივთებზე. ხშირად ბრენდის ნებისმიერი აქტივობა პირდაპირ მის ლოგოსთან და სლოგანთან კავშირდება.

დიდი ალბათობით ლოგოს აუცილებლობაში დაგარწმუნეთ. თუ თქვენს ბიზნესს ჯერ კიდევ არ აქვს კარგი ლოგო, დროა კვალიფიციურ მარკეტოლოგებთან და დიზაინერებთან ერთად ლოგოს შექმნაზე დაიწყოთ ფიქრი.

მოგვწერეთ