რატომ ხდება პოპულარული  მარკეტინგის აუთსორსინგი?

რატომ ხდება პოპულარული მარკეტინგის აუთსორსინგი?

რატომ ხდება პოპულარული  მარკეტინგის აუთსორსინგი?

დაიღალეთ უამრავი მარკეტინგული აქტივობის კოორდინირებით? ყველა მარკეტინგულ სერვისთან დაკავშირებით ჯერ პროფესიონალების ძებნით და მერე სხვადასხვა მარკეტინგულ სააგენტოებთან ურთიერთობით? მაშინ დროა დაფიქრდეთ მარკეტინგის აუთსორსინგზე. მნიშვნელობა არ აქვს, თავად ხართ მარკეტინგის მენეჯერი თუ გაქვთ ბიზნესი და არ გყავთ მარკეტინგის გუნდი. მარკეტინგული მომსახურებების ფართო სპექტრთან გამკლავება, ღონისძიებების მუდმივი კონტროლი და შედეგებზე ზრუნვა, ჟონგლიორობას ჰგავს (ვაი, რომ ხშირად ეს „ჟონგლიორობა“ წარმატებით არ სრულდება). თქვენი კომპანიის წინსვლისთვის, სჯობს იმაზე კონცენტრირდეთ, რაც გამოგდით და მარკეტინგი გამოცდილ პროფესიონალებს გადააბაროთ.

რა არის აუთსორსინგი?

მარკეტინგის აუთსორსინგი ბიზნესსტრატეგიაა, რომელიც მარკეტინგული ფუნქციების, პროცესების, აქტივობების და პასუხისმგებლობის ორგანიზაციის გარეთ გატანას გულისხმობს.

მარკეტინგის აუთსორსინგი იძლევა საშუალებას:

  • დაზოგოთ ფული – ერთი კვალიფიციური თანამშრომლის ფასად თქვენ იღებთ პროფესიონალებით დაკომპლექტებული მარკეტინგის გუნდის მომსახურებას.
  • დაზოგოთ დრო – ყოველ ახალ ამოცანაზე აღარ არის საჭირო ეძებოთ სასურველი სერვისის მომწოდებლები და გაერკვიოთ მარკეტინგული სამყაროს სპეციფიკაში.
  • მიიღოთ უფრო ხარისხიანი მომსახურება – თქვენ გემსახურებათ ამ სფეროში გამოცდილების მქონე გუნდი, ამიტომაც თქვენს კომპანიას საშუალება ეძლევა, გამოიყენოს მეტი მარკეტინგული არხი და ფეხი აუწყოს მარკეტინგულ სიახლეებს.
  • თვალი ადევნოთ თქვენს შედეგებს – ჩვენ ვაწარმოებთ რეპორტინგს და ყოველკვირეულად მოგაწვდით სრულ ინფორმაციას განხორციელებული აქტივობების შესახებ.

რატომ მარკეტინგის აუთსორსინგი?

კომპანიის შიდა მარკეტინგის დეპარტამენტი დიდ ხარჯებთან, ნებისყოფასთან და დროით რესურსთან არის დაკავშირებული, დამატებით ძალისხმევას მოითხოვს სხვა სააგენტოებთან და სტამბებთან ურთიერთობა. თანამედროვე მარკეტინგული მომსახურებების სპექტრი ფართოა, კომპანიას შესაძლოა სჭირდებოდეს სოციალური მედია არხების მართვა, ტელემარკეტინგი, SEO (საძიებო სისტემის ოპტიმიზაცია), ბრენდინგი-რებრენდინგი, პოლიგრაფიული მასალების დამზადების ორგანიზება, E-mail და SMS მარკეტინგი, კრეატიული კამპანიის დაგეგმვა ან გრაფიკული დიზაინი… შემაშინებლად ჟღერს, არა?! ყველა ამ სერვისზე სხვადასხვა მომწოდებლის ძებნა-შერჩევა და მომწოდებელთან კონტაქტი ბუნებრივია ნიშნავს დიდი დროის, მატერიალური რესურსის და ნებისყოფის დათმობას ამ საკითხებისათვის. აქედან გამომდინარე, განსაკუთრებით მცირე და საშუალო კომპანიებსა და მათ მარკეტინგის მენეჯერებს ურჩევნიათ, იპოვონ ერთი პარტნიორი კომპანია მარკეტინგის აუთსორსინგისათვის, ყველა სერვისი ერთი მომწოდებლისაგან მიიღონ და იყონ მშვიდად.

და ბოლოს…

კომპანიამ თავისი სპეციფიკიდან და გამოწვევებიდან გამომდინარე, უნდა აირჩიოს ოპტიმალური იქნება მისთვის მარკეტინგის აუთსორსინგი თუ არა. მარკეტინგის აუთსორსინგის მზარდი ტენდენცია მოწმობს, რომ დამწყები, მცირე და საშუალო ბიზნესების უმეტესობისათვის მარკეტინგის აუთსორსინგი უკეთესი შედეგების მისაღწევად და ოპერაციული ხარჯების მინიმიზებისათვის ეფექტური გამოსავალია. თუ თქვენი მარკეტინგის მენეჯერი მუდმივად გადაღლილი, გამოუძინებელი და დასტრესილია უამრავ მარკეტინგულ აქტივობასთან „შეჭიდებით“ ან თქვენ ძალიან ძვირი გიჯდებათ მთელი მარკეტინგული გუნდის ყოლა და შედეგებითაც არ ჩანხართ კმაყოფილი, გირჩევთ კარგი მარკეტინგის აუთსორსინგის კომპანია უახლოეს მომავალში მოძებნოთ!

მოგვწერეთ