რატომ შენ?

რატომ შენ?

ერთი წამით გაჩერდი და დაფიქრდი – რას ემსახურება შენი ბიზნესი? ჩვენ ვერ გეტყვით მის პასუხს, თუმცა გეტყვით, რომ მისია და მიზანი განსაზღვრავს ბიზნესისთვის სწორხაზოვან მიმართულებას – სად იყო, სად არის და სად იქნება ის. იმისათვის, რომ შექმნა წარმატებული მიმართულება საჭიროა, სწორი მარკეტინგული გეგმის ჩამოყალიბება

ბიზნესის სამყაროში ერთი დაუწერელი კანონი არსებობს: არ აქვს მნიშვნელობა იმას, ერთ მომხმარებელს ემსახურება შენი კომპანია თუ მთელ სამყაროს, რადგან მას მაინც სჭირდება მარკეტინგული გეგმა. მარკეტინგი არის ის, რაც აწესრიგებს გაყიდვებს, ხოლო გაყიდვების გარეშე ბიზნესი სარგებელს ვერ მოგიტანს. მიუხედავად იმისა, რომ მარკეტინგული გეგმა ასეთი მნიშვნელოვანია, ზოგი ლიდერი მას სათანადო ყურადღებას არ უთმობს, რაც საბოლოო ჯამში სავალალოდ სრულდება. თუმცაღა, ჭეშმარიტმა ლიდერმა იცის, რომ ერთადერთი, რაშიც დროის ხარჯვა არ უნდა გენანებოდეს, სწორედაც რომ მარკეტინგული გეგმის შექმნაა, რადგან სწორედ მას მიყავხარ დასახულ მიზნამდე.

რას მომიტანს მარკეტინგული გეგმა?
მარკეტინგული გეგმის მთავარი მიზანი ის არის, რომ გადაწყვიტოს, როგორ გაყიდი პროდუქტსა თუ მომსახურებას. მოგეხსენებათ, ყველა ადამიანისთვის მოსაწონი პროდუქტის შექმნა შეუძლებელია. ამიტომაც მარკეტინგი გეხმარება ორიენტირდე იმ ადამიანებზე, რომლებსაც მართლაც სჭირდებათ შენი მომსახურება.
იმისათვის, რომ გაიგო, რას მოგიტანს მარკეტინგული გეგმა, პირველ რიგში, არ უნდა შეგეშინდეს შეკითხვების დასმის.
ეს შეკითხვები კი ასეთია:
1. რაში ვეხმარები ჩემს მომხმარებლებს?
2. რა განმასხვავებს სხვა კომპანიებისგან?

მარკეტინგული გეგმის მნიშვნელობა

მარკეტინგული გეგმა გიმარტივებს გაყიდვებს. შენ უნდა იპოვო იდეალური მომხმარებელი – ის, ვისაც სჭირდები და ბაზარზე, უამრავ კონკურენტს შორის შენ აგარჩევს. შენ უნდა შეისწავლო ის და მარკეტინგული გეგმა მოარგო შენი იდეალური მომხმარებლის მოთხოვნებს, რომ იცოდე, თუ რას ეძებენ შენს პროდუქტში.
როდესაც მომხმარებელმა იცის საკუთარი მოთხოვნები, ის მიდის და ყიდულობს იმ პროდუქტს, რომელიც მას დაეხმარება პრობლემების გადაწყვეტაში. მაგრამ თუკი ადამიანი ვერ ხვდება, რომ მას პრობლემა აქვს, შენი მომსახურების მისთვის მიყიდვა უფრო რთულია, ამ პირობებში ნაკლები შანსი გექნება იმისა, რომ დააინტერესო მომხმარებელი, რადგან მას ჰგონია, რომ ეს არ სჭირდება.

წარმოიდგინე, რომ გსურს თერაპევტის მომსახურების გაყიდვა. ადამიანი, რომელსაც ზურგი არ სტკივა, არასდროს დაინტერესდება შენი მომსახურებით, რადგან მას ეს არ სჭირდება. ხოლო ის, ვისაც ზურგი სტკივა, უნდა დაფიქრდეს, რამდენად ეფექტური იქნება ეს მისთვის. იქნებ მასაჟი ან ფიზიოთერაპია სჭირდება? ან ოპერაცია? რატომ უნდა აირჩიოს მაინც და მაინც შენი მომსახურება? მას სჭირდება პასუხები კითხვებზე, შენ კი შენი მარკეტინგული გეგმით უნდა შეძლო და დაუმტკიცო მომხმარებელს, რომ სწორედ ის ხარ, რაც სჭირდებათ – შენ ხარ მათი საუკეთესო არჩევანი.

მოგვწერეთ