გაყიდვების გაზრდა SEO -ს საშუალებით!

გაყიდვების გაზრდა SEO -ს საშუალებით!

წარმოიდგინეთ, რომ ზაზას კომპანია ონლაინ ყიდის თოკებს და ზაზას ძალიან უნდა, რომ მაინცდამაინც მეტი სარეცხი თოკი გაყიდოს. ზაზამ აუცილებლად უნდა გაითვალისწინოს მომხმარებლების ქცევა ინტერნეტსივრცეში, 93% საძიებო სისტემის ველში საკვანძო სიტყვის აკრეფვით იწყებს, ხოლო 75% არასოდეს სტუმრობს საძიებო სისტემების მეორე გვერდს. პოპულარული ხუმრობა ამბობს – „საუკეთესო ადგილი გვამის გადასამალად Google-ს მეორე გვერდია, რადგან მას არავინ ნახულობს”. ზაზას ბიზნესს ძალიან წაადგებოდა, მომხმარებელი სიტყვების „სარეცხი თოკები“/“სარეცხი თოკი“ ძებნისას Google-ს მოწინავე პოზიციაზე მის გვერდს რომ ხედავდეს. იგივე ლოგიკა ვრცელდება ყველა სხვა ონლაინგვერდზე.

ტოკები

რა არის SEO?

SEO სტრატეგიების მეთოდოლოგიაა ვებგვერდზე შემსვლელი მომხმარებლების რაოდენობის გასაზრდელად, საძიებო სისტემებში ვებგვერდის მოწინავე პოზიციებზე ჩვენების მეშვეობით.

რატომ SEO?

თუ თქვენს კომპანიას აქვს ვებგვერდი, ბლოგი ან ონლაინ მაღაზია, თქვენ როგორც ზაზას, აუცილებლად დაგჭირდებათ SEO (Search Engine Optimization), იგივე საძიებო სისტემის ოპტიმიზაცია. მილიონობით მომხმარებელი პასუხებს საძიებო სისტემებში ეძებს და თუ თქვენი მიზანია, რომ თქვენს კომპანიაზე მეტი გაიგონ, უნდა იზრუნოთ, რომ თქვენი ვებგვერდი საძიებო სისტემებში მოწინავე პოზიციას იკავებდეს. SEO გაძლევთ საშუალებას, კონკურენტებზე მომგებიან პოზიციაში აღმოჩნდეთ – თუ ერთი და იმავე სერვისს ან პროდუქტს ყიდით, საძიებო სისტემაში ოპტიმიზირებული ვებგვერდი ყოველთვის მეტ მომხმარებელს მიიზიდავს, ისინი ‘დააკლიკავენ’ თქვენს გვერდს და შესაბამისად, მომხმარებლების რიცხვი და გაყიდვებიც გაიზრდება. Google-ს მოწინავე 5 პოზიციაზე მყოფ ვებგვერდებზე მოდის კლიკების 67%.

რას მოიცავს SEO?

SEO მოიცავს როგორც ტექნიკურ, ასევე კრეატიულ ელემენტებსაც. SEO-ს განსახორციელებლად აუცილებელია, თავდაპირველად შევარჩიოთ საკვანძო სიტყვები და ფრაზები, რომლებიც გაზრდის ვებგვერდზე შემოსული მომხმარებლების ნაკადს. ვებგვერდის შიგთავსი მორგებული უნდა იყოს შერჩეულ საკვანძო ფრაზებს. საძიებო სისტემის ბოტებს შეუძლიათ ტექსტური მასალის აღქმა, შესაბამისად, ყურადსაღებია თითოეული პუნქტი: სათაურები, საკვანძო სიტყვები, ლინკები, ტექსტის ხარისხი, ტექსტების სისტემატური განახლება. უნდა შეეცადოთ, რომ თქვენი ტექსტები უნიკალური და საინტერესო იყოს, დაუშვებელია ტექსტების სხვა წყაროდან დაკოპირება. ტექსტებს გარდა, ბოტებს შეუძლიათ ვებგვერდის კოდის აღქმაც და SEO სპეციალისტი ამ მიმართულებითაც მუშაობს.

ვის მივმართოთ?

თუ SEO-ს სპეციალისტი არ ხართ, ნუ გექნებათ საკუთარი საზრიანობის იმედი, საძიებო სისტემების ალგორითმები მუდმივად იხვეწება და რთულდება,  მარკეტოლოგებს უწევთ ახალი გამოწვევებისათვის ფეხის აწყობა. თუ გსურთ, რომ გაზარდოთ თქვენი ვებგვერდის პოპულარულობა და კლიენტების მომართვიანობა, უმჯობესია, ბედს არ მიენდოთ და გამოცდილ მარკეტოლოგებს მიმართოთ.

#ჯიემეი ჯორჯია #SEO

მოგვწერეთ