ციფრული მარკეტინგული სტრატეგია

ციფრული მარკეტინგული სტრატეგია

ბიზნესის განვითარების პროცესი არც თუ ისე მარტივია. პირველ რიგში, შენ გჭირდება სიცოცხლისუნარიანი იდეა. არ აქვს მნიშვნელობა, პროდუქტს ყიდი, ინფორმაციას თუ მომსახურებას, რადგან მთავარი მიზანი მაინც ერთია – რაც შეიძლება მეტ ადამიანს მიაწვდინო ხმა. ხმის მიწვდენა კი მარკეტინგული სტრატეგიის გარეშე ცარიელ სივრცეში ყვირილს ჰგავს – როცა იცი, რომ არავინ მოგეშველება.

იმისათვის, რომ შენი მარკეტინგული სტრატეგია მუშა იყოს, უნდა დასვა შეკითხვები იმის შესახებ, თუ როგორ მიგაქვს მესიჯი საჭირო აუდიტორიამდე და როგორ წევს მაღლა ბრენდის ცნობადობას. დღეს, როდესაც დიდი ყურადღება ეთმობა სოციალურ ქსელებს და არც ერთ ჩვენგანს არ წარმოუდგენია ცხოვრება მათ გარეშე, ჩვენი ბიზნესის წარმატებაც სწორედ SEO-ზე, ბლოგებსა და რეკლამაზეა დამოკიდებული.

მოგეხსენება, თითქმის არაფერია ისეთი რაც ადამიანს არ ძალუძს. ამ სიაში სოციალური მედიის იგნორირება ვერ მოხვდება, რადგან თანამედროვე სამყაროში მისი გვერდის ავლით ბიზნესის წარმატების მიღწევა მართლაც შეუძლებელია. თავიდან ამან შესაძლოა შეგაშინოს, მაგრამ ცოტა ხანში შეამჩნევ, რომ სოციალური ქსელით კომუნიკაცია ყველა პოსტის შემდეგ გაცილებით მარტივდება.
რა თქმა უნდა, კარგი იქნება, თუკი სოციალური მედიის მენეჯერი გეყოლება, მაგრამ თუ ამისათვის საკმარისი თანხა არ გაქვს, სოციალური მედიის პირველ წესს გასწავლი: იყავი ის, ვინც ხარ! გამოაქვეყნე ყველაფერი, რაც აქტუალურად და სასარგებლოდ მიგაჩნია. ეს ყველაფერი დაგეხმარება, რომ შენმა აუდიტორიამ უკეთ გაგიცნოს.

დღესდღეობით ყველა კომპანიამ იცის, თუ რამდენად საჭიროა ციფრული მარკეტინგი, თუმცა კომპლექსური გეგმა მაინც არ გააჩნიათ.

-გამოწვევები ციფრული მარკეტინგის სტრატეგიის შექმნისას
საერთო პრობლემა მდგომარეობს იმაში, რომ ზოგჯერ კომპანიებს ჰგონიათ, რომ სტრატეგია უნდა მოიცავდეს ყველას და ყველაფერს, ბოლომდე უნდა ჩაუღრმავდეს ყველა დეტალს, რაც იმთავითვე არასწორია. როგორც ერთ ძველ სიმღერაშია – წინასწარ ყველაფერს ვერ დაგეგმავ, სწორედ ამიტომ, მარკეტინგული სტრატეგიის მოფიქრებისას თითოეული რგოლის ყოველდღიური რუტინის განსაზღვრა დროის კარგვაა. პირიქით, როდესაც ციფრულ მარკეტინგულ სტრატეგიას ჰქმნი, მაქსიმალურად უნდა შეამცირო არასაჭირო ინფორმაცია და ყველა სამომავლო გეგმა ერთ პატარა ცხრილში მოათავსო.

გთავაზობ 10 მიზეზს იმისა, თუ რისთვის გჭირდება ციფრული მარკეტინგის სტრატეგია
1. მიზანმიმართულობა
კომპანიებს, რომლებსაც არ აქვთ ციფრული მარკეტინგის სტრატეგია, არ აქვთ მიზანი. მათ არ იციან, რას უნდა მიაღწიონ ინტერნეტში. როდის არის წარმატებული კომპანია? რა გამოხმაურებით ისაზღვრება სოციალური მედიის კამპანიის შედეგი? – სწორედ იმისთვის, რომ ეს კითხვები არ დასვა, გჭირდება ციფრული მარკეტინგის სტრატეგია.

2. არცოდნა
შენ ვერ შეაფასებ ონლაინ მომხმარებელთა მოთხოვნებს, თუკი არ შეისწავლი მათ. ნიშვნელოვანია, რომ გაიგო ბაზრის მოთხოვნილებები, დინამიკა, რა თქმა უნდა განსხვავებული იქნება გაყიდვის ტრადიციულ გზებთან შედარებით, თუმცა ეს იმის მიზეზს არ გაძლევს, რომ არ დააფასო ონლაინ მომხმარებელი. ციფრულ პლატფორმებზე ძალიან ბევრი საშუალება არსებობს იმისათვის, რომ შენი გაყიდვები გაიზარდოს.

3. ავი ძაღლი
ციფრულ სამყაროში ანდაზა „ავმა ძაღლმა არც თვითონ ჭამა, არც სხვას აჭამაო“ არ არსებობს, რადგან თუკი შენ არ გამოიყენებ პლატფორმას, მაშინ შენი კონკურენტები გამოიყენებენ და შენს პოტენციურ კლიენტებს გადაიბირებენ.

4. ონლაინ-შეთავაზება
თუკი არ აქტიურობ სოციალურ ქსელებში, ეს ნიშნავს იმას, რომ კარგავ ონლაინ-შემოთავაზებებს. შესაძლოა, შენ ყიდდე ლიმონათს მაღაზიაში, ან ასწავლიდე ინგლისურს ენის ცენტრში, მოშორებით ყველა სოციალური ქსელისგან, მაგრამ გახსოვდეს, რომ შენი მომხმარებლები ის ადამიანები არიან, რომლებიც წამსაც არ კარგავენ ისე, რომ სმარტფონებს არ ჩახედონ. სწორედ ამიტომ, თუკი არ გექნება სოციალური ქსელის აქტივობა, შესაძლოა, დაკარგო პოტენციური მომხმარებლები, რომლებიც არასდროს იყიდიან შენს ლიმონათს…

5. მე შენ გიცნობ!
ხშირად ამბობენ, რომ ციფრული სივრცე ყველაზე გაზომვადი არეალია. Google Analytics-ი მოგაწოდებს ინფორმაციას, თუ რამდენი ადამიანი ინტერესდება შენით, თუმცა რა განწყობა აქვს შენდამი შენი საიტის ყოველ სტუმარს, ამის გასარკვევად სხვა ინსტრუმენტებია საჭირო. შენ უნდა შეისწავლო შენი მომხმარებლები და ზედმიწევნით იცოდე მათი სისუსტეები, რომ საჭირო დროს გამოიყენო ისინი შენს სასიკეთოდ.

6. ინტეგრაცია
ხშირად ხდება ისე, რომ შენი ბიზნესის ცხოვრება მიედინება, ციფრული მარკეტინგი კი სადღაც მიწისქვეშაა მოქცეული, მას ყურადღებას არ აქცევ და უბრალოდ „must have” ინსტრუმენტად გაქვს ქცეული. ეს არასწორია. უნდა გაიაზრო, რომ ციფრული მარკეტინგი შენი წარმატების სწორედ ისეთივე საშუალებაა, როგორც სხვა დანარჩენი.

7. ადამიანური და ფულადი რესურსი
თუკი ციფრულ მარკეტინგს არასაკმარისი რესურსი ექნება, ის შედეგს არ მოიტანს.

8. დუბლირება
თუკი საკმარისი რესურსი გაქვს, ისინი შესაძლოა დაიხარჯოს ტყუილად თუკი შენ საკუთარი რესურსით აკეთებ არა რაღაც ახალს, არამედ ადუბლირებ რაღაც სხვას, შენი შრომა ფუჭი იქნება.

9. ძალა მოძრაობაშია!
თუკი იფიქრებ, რომ ყველა წარმატება უკვე მიღწეულია, წილი ნაყარია და რუბიკონი გადალახულია, შორს ვერ წახვალ, რადგან მთავარი იარაღი სწორედ მოძრაობაა.

10. ოპტიმიზაცია
როგორც კი სტრატეგია მოგცემს საშუალებას, რომ სწორად გაიგო სათავეები, შემდეგ უკვე შეგიძლია თამამად გადახვიდე დეტალების სრულყოფაზე. მანამ კი უნდა დახვეწო საკუთარი მიზნები, იცოდე ის, თუ რის მისაღწევად დაგჭირდა მარკეტინგული გეგმა.
ეს 10 პუნქტი რომ გვერდით გადავდოთ, მთავარ პრობლემად მხოლოდ ის ისახება, რომ ზოგჯერ კომპანიებს უბრალოდ გასიგრძესიგანებული არ აქვთ ციფრული მარკეტინგის მნიშვნელობა.
გაიხსენე, რომ ახლა 2019 წელია, სამყარო იცვლება და მომავალი სოციალური მედიისაა. სწორედ ამიტომ, დროულად უნდა აუწყო ფეხი განვითარებას და აქციო საკუთარი ბიზნესი სიახლეებზე ორიენტირებულად!

მოგვწერეთ