2020 წლის ციფრული მარკეტინგის ტრენდები

2020 წლის ციფრული მარკეტინგის ტრენდები

ტექნოლოგიურმა განვითარებამ მსოფლიო ერთ სივრცეში გააერთიანა, რამაც თავისთავად გაამარტივა ინფორმაციის გაზიარების, ცნობიერების ამაღლებისა და ბრენდის პრომოციის შესაძლებლობა. თუ გსურს არ ჩამორჩე სიახლეებს, მნიშვნელოვანია ფეხი აუწყო მას.

2020 წელიც ახლოვდება და სხვადასხვა მიმართულებით ახალი ტენდენციებიც ვრცელდება. საინტერესოა, რა მარკეტინგული ნაბიჯების გათვალისწინებაა საჭირო თქვენი საქმიანობის წარმატებისთვის.

მოდი, ერთად გავეცნოთ ციფრული მარკეტინგის 2020 წლის ტრენდებს

  1. დააინტერესეთ ადამიანები პერსონალური კომუნიკაციით

ტრადიციული, საერთო მასშტაბებზე გათვლილი რეკლამა კარგავს თავის ეფექტურობას. მომხმარებლები დღეს ითხოვენ პერსონალურად მათ საჭიროებებზე გათვლილ გეგმას, რომელიც ზუსტად უპასუხებს კონკრეტულად მათ მოთხოვნებს.

აუცილებელია კარგად შეისწავლოთ თქვენი მომხმარებლები, გაითვალისწინოთ მათი ინტერესები და ამ გზით ეცადოთ პერსონალური კომუნიკაცია დაამყაროთ მათთან.

Epsilon- ის გამოკითხვის თანახმად, მომხმარებელთა 80% ამბობს, რომ ისინი იმ ბრენდის მომხმარებლები იქნებიან, რომლებიც რეალურად გაითვალისწინებენ მათ სურვილებს და ყველა კითხვაზე ექნებათ პერსონიზირებული პასუხები.

  1. გაზარდეთ ხელოვნური ინტელექტის გამოყენება

ტექნოლოგიურ განვითარებაზე საუბრისას აუცილებლად უნდა ვისაუბროთ ერთ-ერთ უახლეს და ძალიან საინტერესო თემაზე – ხელოვნურ ინტელექტზე და მის გამოყენებაზე მარკეტინგში.

ხელოვნური ინტელექტის მთავარი დანიშნულებაა შეასრულოს და დახვეწოს იგივე ინტელექტუალური თუ აზრობრივი სამუშაო, რისი შესრულებაც ადამიანს შეუძლია.

მონაცემების უზარმაზარი ბაზების ევოლუციურმა და ანალიტიკურმა განვითარებამ შესაძლებელი გახადა, რომ მარკეტერებმა შექმნან თავიანთი სამიზნე აუდიტორიის კიდევ უფრო ნათელი სურათი, ვიდრე აქამდე.

ჩატბოტი არის ხელოვნურ ინტელექტზე დაფუძნებული კომუნიკაციის ერთ-ერთი ინოვაციური ფორმა. ჩატბოტების სისტემა სულ უფრო სერიოზული და ეფექტური მარკეტინგული იარაღი ხდება. იგი არამარტო ავტო მოპასუხის როლს თამაშობს, არამედ მისი საშუალებით შეგიძლია შექმნა მომხმარებლების ბაზა, უკან დაიბრუნო დაკარგული მომხმარებლები და გაზარდო გაყიდვები. ჩატბოტის ინტეგრაცია შესაძლებელია ნებისმიერ ჩათში. მათ შორის Facebook Messenger – ში.  ჩატბოტებს ძალიან დიდი შესაძლებლობა აქვს. განსაკუთრებით საინტერესოა მათი ბიზნესის სფეროში გამოყენება.

  1. მეტი ინვესტიცია ჩადეთ რეკლამირებაში

რეკლამა ციფრულ ინდუსტრიაში ერთ-ერთი ყველაზე ძლიერი იარაღია, რომელიც უდიდეს გავლენას ახდენს მომხმარებელზე. სწორედ რეკლამის დამსახურებაა, რომ ჩვენი ბიზნესის შესახებ შეგვიძლია ხმა მივაწვდინოთ მილიონობით ადამიანს და გავზარდოთ ჩვენი პროდუქტის შესახებ ცნობადობა.

ბიზნესის მფლობელები უნდობლობით არიან განწყობილი რეკლამის მიმართ. ხშირად, წარსულის ცუდი გამოცდილების გამო ბევრს ფიქრობენ, რამდენად ღირს რეკლამირებაში დიდი თანხების დახარჯვა.

გეტყვით, რომ რეკლამა უფრო ეფექტურია, როცა ის კრეატიულ კონტენტს მოიცავს, გათვალისწინებულია მომხმარებელთა ინტერესები და შესაბამისად გაშვებულია სწორ სეგმენტზე. ასეთი რეკლამა ქმნის ბრენდს, ინარჩუნებს პროდუქტის ბაზარზე პოზიციონირებას  და ზრდის გაყიდვებს.

შეუძლებელია ზუსტად განსაზღვროთ სარეკლამო ბიუჯეტი, თუმცა კვლევებით დასტურდება, რომ კომპანიებს, რომლებიც რეცესიის დროს რეკლამას ინარჩუნებენ, საუკეთესო შედეგი აქვთ, მათ შორის გაზრდილი გაყიდვები.

  1. გამოიყენეთ ინფლუენსერები

ინფლუენსერ მარკეტინგი უკვე რამდენიმე წელია ციფრული მარკეტინგის ტენდენციაა. მათი მხრიდან ბრენდის სტიმულირება იმდენად წარმატებული აღმოჩნდა, რომ 2020 წლისთვის ეს მიმართულება ერთ-ერთ საუკეთესო ციფრული მარკეტინგის ტრენდადაა საკმარისი არ არის მათთვის მხოლოდ პროდუქტების გაგზავნა იმ იმედით, რომ ისინი აუცილებლად თავიან გვერდზე დადებენ მას. არსებობს გადახდის ცხრილები და ფასების სიები, რომელიც აუცილებლად უნდა იქნას გათვალისწინებული თუ გვინდა, რომ ინფლუენსერების სოციალური მედიაზე გავლენა მოხდეს სწორი გზით.

  1. გააძლიერეთ იმეილ მარკეტინგი

იმეილ მარკეტინგი საშუალებას გაძლევთ შექმნათ მიზნობრივი და პერსონალური შეტყობინებები. ეს დაგეხმარებათ შეინარჩუნოთ დადებითი ურთიერთობა თქვენს მომხმარებლებთან. მისი საშუალებით შეგიძლიათ გაზარდოთ თქვენი პირდაპირი მარკეტინგული კამპანიების ჩართულობა და აქტივობა.

ამასთანავე, მნივშენლოვანია გაითვალისწინოთ, რომ დღეს თითქმის ყველაფერს მობილურით ვაკეთებთ, ამიტომაც ნიუსლეთერები მორგებული უნდა იყოს როგორც დესკტოპ, ასევე მობილურ ვერსიაზე. არ დაგავიწყდეთ, რომ ზედმეტი იმეილ მარკეტინგი ხშირად მოსაბეზრებელია, ამიტომაც სწორად დაგეგმეთ და შეიმუშავეთ ყოველთვიური სტრატეგია, თუ რამდენ მეილს გაგზავნით, ისე რომ არ გამოიწვიოთ ადამიანების გაღიზიანება.

  1. გამოიყენეთ რაც შეიძლება მეტი ვიზუალური კონტენტი

პირველი ყოველთვის ყურადღებას იქცევს ის, რაც ვიზუალურად ლამაზია, ტექსტი კი მისი მომდევნო ნაწილია. არსებობს ფაქტები ვიზუალურ კონტენტთან დაკავშირებით:

ციფრული სივრცის მომხმარებლების 65% ვიზუალურად ნანახს უკეთ აღიქვამს

ფერადი ვიზუალი ადამიანების 80% -ს უბიძგებს, რომ წაიკითხოს პოსტზე ტექსტი

ადამიანების 85%-ს კიდევ უფრო უნდება თქვენი პროდუქტის შეძენა, მას შემდეგ რაც ვიდეოს ნახავს მასზე

კომუნიკაციის 93% ვიზუალურია, სწორედ ამიტომ მოქმედებს და იზიდავს ის მომხმარებლებს ასე ძალიან

  1. ფოკუსირდით ლოიალური მომხმარებლების შენარჩუნებაზე

ბუნებრივია, მომხმარებლებთან კომუნიკაცია რეგულარულად უნდა გვქონდეს ტელეფონით, ფოსტით, ელ.ფოსტით, სოციალური მედიით და ა.შ. ეს ის ხალხია, ვისაც შეუძლია გავლენა მოახდინოს ჩვენს გაყიდვებზე და განვითარებაზე.  გაითვალისწინეთ მათი აზრი და აჩვენეთ, თუ რამდენად აფასებთ მათ. მომხმარებლების სურვილებისა და მოთხოვნების შესაბამისად შესთავაზეთ ფასდაკლებები, აქციები და ეცადეთ მათი თქვენდამი დამოკიდებულება კიდევ უფრო ლოიალური გახადოთ.

მოგვწერეთ