5 მარკეტინგული ტაქტიკა, რომელიც სწრაფ შედეგებს გპირდებათ

5 მარკეტინგული ტაქტიკა, რომელიც სწრაფ შედეგებს გპირდებათ

ყველა ბიზნესის განვითარების საფუძველი ეფექტური მარკეტინგული გეგმაა. კამპანიებსა და მარკეტინგულ სტრატეგიებს სჭირდებათ დრო, რომ მიაღწიონ დასახულ მიზანს, მაგრამ მიუხედავად იმისა, რომ მათი შედეგი ღირს დახარჯულ დროდ, ხანდახან ბიზნესს სჭირდება დაინახოს სწრაფი რეზულტატი.

კარგი მარკეტინგული სტრატეგია უნდა ინარჩუნებდეს არჩეულ ტემპს, თუმცა არსებობს მეთოდები, რომლებიც შეგვიძლია გამოვიყენოთ ბიზნესის განვითარების დასაჩქარებლად.

 

1. ტელემარკეტინგი

რამდენადაც არ უნდა გიყვარდეთ ან გძულდეთ ის, ფაქტია რომ ტელემარკეტინგი მუშაობს მაშინ, როცა ის დაგეგმილი და პროფესიონალურ დონეზე მომზადებულია.

დარწმუნდით, რომ თქვენი მთავარი სათქმელი გაჟღერებული იყოს პირველ 30 წამში და კარგი შთაბეჭდილება მოახდინოს მაყურებელზე. იმისათვის, რომ ტელემარკეტინგი იყოს წარმატებული, ის უნდა იყოს პროფესიონალური, მეგობრული და სტრუქტურულად გამართული.

-არის თუ არა თქვენი აუდიტორია შესაბამისი და ესაუბრებით თუ არა იმ ადამიანს, ვისაც შეუძლია იყოს პასუხისმგებელი შენაძენზე?

შესაძლოა თქვენმა ტელემარკეტინგულმა გუნდმა დახარჯოს 20 წუთი პროდუქტის გაყიდვისთვის, თუმცა ყიდდეს პროდუქტს დაბალი დონის თანამშრომელთან, რომელიც ვერ აკონტროლებს კომპანიის გადაწყვეტილებებს. როგორც კი ეს თანამშრომელი აღფრთოვანდება თქვენ მიერ შეთავაზებული პროდუქტით ან მომსახურებით, მან უნდა მიჰყიდოს შეთავაზება თავის მენეჯერს ან სხვა თანამშრომელს. ამ მომენტში თქვენ კარგავთ კონტროლს მიწოდებაზე, სწორედ ამიტომ, საჭიროა დარწმუნდეთ, რომ თქვენი გუნდი თანამშრომლობს იმ ადამიანთან, რომელსაც აქვს უფლება მიიღოს გადაწყვეტილება შესყიდვის შესახებ.

-აქვთ თუ არა მათ ფული?

მოლაპარაკება არ უნდა დასრულდეს უბრალო სიტყვებით ,,დიახ“ ან ,,არა“. პროდუქტს ან სერვისს, რომელსაც თქვენი ტელემარკეტინგული გუნდი ყიდის, უნდა ჰქონდეს გადახდის გეგმა და ალტერნატივა დაბალი ან მაღალი ფასით. აუცილებელია გესმოდეთ პოტენციური კლიენტის ბიუჯეტის მოთხოვნები, რაც ახალი შესაძლებლობების არეალს ხსნის. თუმცა, მიუხედავად იმისა რომ ბიუჯეტი მნიშვნელოვანი ფაქტორია ტელემარკეტინგში, დარწმუნდით რომ თქვენი გუნდი იცნობს აუდიტორიას – პოტენციური კლიენტი შესაძლოა უფრო დაინტერესებული იყოს პროდუქტის ტექნიკური მაჩვენებლებით, ვიდრე ფასით. პროდუქტის ფასი გადამწყვეტი ფაქტორია გადაწყვეტილების მიღებისას, მაგრამ ის ერთადერთი არ არის.

-არიან თუ არა მზად რომ იყიდონ ახლა?

ტელემარკეტინგის მთავარი მიზანი არის ის, რომ შეაღო კარი ნებისმიერ კომპანიაში. თქვენს გუნდს ხშირად მოუწევს პოტენციურ კლიენტთან საუბარი, მანამ, სანამ ისინი მზად იქნებიან შენაძენისთვის. მნიშვნელოვანია არა მხოლოდ მარკეტინგული სტრატეგიების გადახედვა, არამედ წარმატებებისაც. აკონტროლეთ საკუთარი წარმატება, არ დახარჯოთ დრო უმოქმედო გარემოში.

 

2. რეკლამა სოციალურ ქსელებში

სოციალური ქსელი გაძლევთ შესაძლებლობას შესთავაზოთ რეკლამა იმ ადამიანს, რომელიც დაინტერესებულია თქვენ მიერ შექმნილი კონტენტით. ერთი კლიკით პოტენციურ მომხმარებელს შეუძლია გადავიდეს სამიზნე საიტზე, რომელიც დაეხმარება გადაწყვეტილების მიღებისას.

LinkedIn და Facebook ორი იდეალური პლატფორმაა სოციალური მედიის მარკეტინგისთვის. მათ აქვთ სამიზნე აუდიტორიის შერჩევის შესაძლებლობა, რომელიც გაძლევს საშუალებას შეარჩიო აუდიტორია ადგილმდებარეობის, ასაკის, სქესის, ინტერესების სფეროს მიხედვით.

 

3. ღონისძიებები, სემინარები, ვებინარები

ღონისძიებებისა და სემინარების დაგეგმვა და პოტენციური კლიენტების ყურადღების მიქცევა დიდ ძალისხმევას მოითხოვს, თუმცა შეგრძნებები, რომლებსაც ისინი მიიღებენ თქვენს ღონისძიებაზე, მოგცემთ უფრო დიდ შედეგს, ვიდრე სხვა ნებისმიერი მარკეტინგული ნაბიჯი.  როგორც კი პოტენციური კლიენტი თქვენს ღონისძიებაზე აღმოჩნდება, თქვენ გექნებათ აუდიტორიის სრული ყურადღება არა რამდენიმე წუთისა და წამის, არამედ რამდენიმე საათის განმავლობაში. ეს არის იდეალური შესაძლებლობა წარუდგინოთ საზოგადოებას თქვენი გეგმები, პროფესიონალთა გუნდი და ფასებისა და მომსახურების ასორტიმენტი.

პოტენციური კლიენტი შეიძლება დაინტერესებული იყოს თქვენი სემინარით, მაგრამ ვერ შეძლოს ღონისძიებაზე დასწრება, სწორედ ამისთვის ვებინარები (სემინარ-პრეზენტაციები, რომელიც პირდაპირ ეთერში მიმდინარეობს) საუკეთესო საშუალებაა. ვებინარი გაძლევს შესაძლებლობას გლობალურ მასშტაბზე გაიტანოთ თქვენი პროდუქტი ან მომსახურება. ერთადერთი შეფერხება, რომელსაც შეიძლება წააწყდეთ ვებინარების ჩატარებისას, სასაათო სარტყელების განსხვავებაა, თუმცა შეგიძლიათ ატვირთოთ ვიდეო, რითიც გადალახავთ განსხვავებას დროში და გახვალთ მსოფლიო აუდიტორიაზე.

 

4. გადახდა ყოველ კლიკზე – Pay-Per-Click – PPC რეკლამა

PPC რეკლამა კარგი ხერხია ახალი მომხმარებლების დაინტერესებისათვის, მაგრამ თუკი არ იცით, როგორ გაუშვათ PPC კამპანია, შესაძლოა დაკარგოთ ბიუჯეტის დიდი ნაწილი. სარეკლამო კამპანიის ძირითადი შეცდომა არის ის, რომ ზოგჯერ კომპანია განუსაზღვრელი რაოდენობის თანხას მიმართავს ისეთ საკვანძო სიტყვებზე, რომლებიც არ მიესადაგება მის აუდიტორიას.

PPC-ს საუკეთესო შედეგის მისაღებად თქვენმა კომპანიამ უნდა მოიფიქროს საკვანძო სიტყვები, რომლებზეც თქვენი კომპანია ორიენტირებას ახდენს. მაგალითად, თუკი თქვენი კომპანია სთავაზობს  IT-მომსახურებას მცირე და საშუალო ბიზნესს, PPC კამპანია უნდა მიმართოთ იმ მოხმარებლებზე, რომლებიც საჭიროებენ IT მომსახურებას. მიუხედავად იმისა, რომ ნახვების რაოდენობა დაიკლებს, დაიკლებს კონკურენციაც და აიწევს კლიკების რეიტინგი.

 

5. ვიდეო მარკეტინგი

ვიდეო მარკეტინგი ყველაზე სწრაფად განვითარებადი მარკეტინგული აქტივობაა, ის მობილური ტელეფონების კამერის ხარისხის გაუმჯობებასთან ერთად უფრო და უფრო ხელმისაწვდომი ხდება, რაც ამცირებს ძვირადღირებული ვიდეოტექნიკისა და გამოცდილი ვიდეოგრაფის საჭიროებას.
ვიდეოს გადაღება და რედაქტირება მარტივადაა შესაძლებელი Youtube-ს ან ნებისმიერი სოციალური ქსელის დახმარებით. ვიდეოს გაზიარებიდან სულ რამდენიმე საათია საჭირო იმისთვის, რომ თქვენმა ვიდეობლოგმა დაიპყროს მთელი ინტერნეტსივრცე და გახდეს ვირუსული. უნივერსალური და მიმზიდველი ვიდეორგოლები მიესადაგება ნებისმიერ კონტენტსა და კამპანიას.

Google-ს აქვს ვიდეოს ძიების ფუნქცია, რომელიც იყენებს ტექსტური კონტენტის საძიებო ალგორითმისგან განსხვავებულ ალგორითმს და თუკი თქვენმა საიტმა ვერ დაიკავა მოწინავე პოზიციები საძიებო სისტემაში, თქვენს ვიდეოს ეს შეუძლია.

თქვენი ვიდეოს წარმატება დამოკიდებულია იმაზე, თუ რას სთავაზობს ის მომხმარებელს – წარმოიდგინეთ თავი მაყურებლის ამპლუაში და იფიქრეთ იმაზე, თუ რისი მიღება სურს მომხმარებლებს თქვენი ვიდეობლოგისგან. გაუზიარეთ მათ კომერციული საიდუმლოებები და მაგალითები, აჩვენეთ მათ, რომ პროდუქტისა თუ მომსახურების შეძენა საუკეთესო პირობებით მხოლოდ თქვენთანაა შესაძლებელი.

გაითვალისწინეთ, რომ მდგრადი მარკეტინგული სტრატეგია ითვალისწინებს როგორც მოკლევადიან, ასევე ხანგრძლივ პერსპექტივებს. მიუხედავად იმისა, რომ ზემოთხსენებული ხერხები გამოიყენება სწრაფი შედეგის მისაღწევად, ისინი უნდა გაითვალისწინოთ მარკეტინგულ გეგმაში, რომელიც დიდხანს იქნება თქვენი ბიზნესის წარმატების სადარაჯოზე.

მოგვწერეთ