6 რამ, რაც შენს მარკეტინგულ სტრატეგიას სჭირდება

6 რამ, რაც შენს მარკეტინგულ სტრატეგიას სჭირდება

,,რასაც დასთეს, იმას მოიმკი“ – ალბათ იყო დრო, როდესაც ამ ანდაზით ჭეშმარიტება ღაღადებდა, თუმცა თანამედროვე სამყაროში ყველაფერი ძალიან სწრაფად იცვლება. სწორედ ამიტომ, რამდენად წარმატებულად არ უნდა დაიწყო ბიზნესის შენება, თუკი კარგი მარკეტინგული გეგმა არ გაქვს, ,,შორს ვერ წახვალ“.

1. შენს მარკეტინგს სჭირდება USP
(USP – Unique Selling Point – უნიკალური შეთავაზება)
ნებისმიერი მარკეტინგული სტრატეგია მოძრაობს USP-ს გარშემო. რას სთავაზობ მომხმარებელს? თუკი მკაფიოდ და მომხიბვლელად ვერ აღწერ საკუთარ უნიკალურობას, მაშინ პოტენციური კლიენტი მიიჩნევს, რომ არაფრით განსხვავდები შენი კონკურენტებისგან. გამოიყენე “Five Forces“ და “SWOT” ანალიზი, რადგან ის დაგეხმარება აღმოაჩინო შენი ბიზნესის ძლიერი და სუსტი მხარეები.

2. დაისახე მიზანი!
თუკი არ გეცოდინება, რას უნდა მიაღწიო, ვერაფერს მიაღწევ. მაგალითად, რომელი მიზანი უფრო მარტივად მისაღწევია „გაყიდვების გაზრდა წლის ბოლომდე 30%-ით“ თუ უბრალოდ „გაყიდვების გაზრდა“ ? რა თქმა უნდა, ყველაფერი გაცილებით მკაფიოა მაშინ, როდესაც კონკრეტული მიზანი გაქვს დასახული.
მიზნის წარმატებით მისაღწევად საუკეთესო საშუალებად დაბალანსებული მაჩვენებლების სისტემა გვესახება, რომლის დახმარებით შეგიძლია საკუთარ მიზნამდე მისასვლელი გზა რამდენიმე მარტივ მოქმედებად დაჰყო. დაახარისხე მოქმედებები კატეგორიების მიხედვით, რომელსაც რამდენიმე ადამიანზე ან განყოფილებაზე გაანაწილებ, მაგალითად მიაკუთვნებ გაყიდვებს, ფინანსებს ან მარკეტინგს. ყველაფერი გაცილებით მარტივია მაშინ, როცა იცი, კონკრეტულად რა ნაბიჯები უნდა გადადგა ამა თუ იმ მიზნის მისაღწევად.

3. მარკეტინგული სტრატეგია უნდა მიემართებოდეს კონკრეტულ აუდიტორიას

როგორც ყველას მეგობარი – არავის მეგობარია, სწორედ ასეა მარკეტინგული სტრატეგიის შექმნის დროსაც, თუკი შეეცდები ის მოარგო ნებისმიერ აუდიტორიას, ჩათვალე, რომ ინტერესს ვერ გამოიწვევ.
რა თქმა უნდა, ყველა ბიზნესმა იცის, თუ ვისთვისაა მისი პროდუქტი ან მომსახურება განკუთვნილი, თუმცა შეცდომას მაშინ დაუშვებ, თუკი მიიჩნევ, რომ ერთი მარკეტინგული კამპანია მომხმარებელთა ყველა კატეგორიაზე ერთნაირი წარმატებით იმუშავებს. მაგალითად, უნდა გაითვალისწინო, რომ ახალგაზრდა ადამიანებთან ურთიერთობა სოციალური ქსელებით ჯობია, ხოლო ასაკოვანი მოხმარებლისთვის უფრო ეფექტური საფოსტო გზავნილი იქნება.
სტრატეგიას ცვლის არა მხოლოდ ასაკი, არამედ სხვა აშკარა გარემო პირობები, მაგალითად სქესი, ადგილმდებარეობა, შემოსავალი.

მარკეტინგული სტრატეგიის შემუშავებისას უნდა გაითვალისწინო, რომ B2B (ბიზნესი ბიზნესისთვის) მარკეტინგი ისეთივე არ არის, როგორიც B2C (ბიზნესი მომხმარებლისთვის), სწორედ ამიტომ, B2B კამპანიის დაგეგმვისას სხვა აუდიტორიაზე უნდა იყო ორიენტირებული. დაისახე კარგი მარკეტინგული გეგმა ახლა და მოგვიანებით საკუთარ თავს მადლობასაც გადაუხდი, რადგან B2B კარგი ურთიერთობა ხშირად წლობითაც კი გრძელდება.

4. მარკეტინგული სტრატეგია უნდა იყოს ადაპტირებული
ზოგჯერ ასეც ხდება – ფურცელზე იდეალურად დაგეგმილი პროექტი შესაძლოა ცხოვრებაში ისე არ ამუშავდეს, როგორც გვინდა. თუ შენმა იდეალურად დაგეგმილმა კამპანიამ შედეგი ვერ მოიტანა, არ დაელოდო, რომ ერთ დღესაც მწვერვალებს დაიპყრობს. თუკი ის არ მუშაობს – შეცვალე.
მარკეტინგის სტრატეგიაში გამოიყენე მოდელი ,,დაგეგმე! გააკეთე! შეამოწმე!“. როდესაც დაგეგმვას დაასრულებ და გაავრცელებ სოციალურ ქსელებსა თუ ფოსტაზე, მიუბრუნდი და ჰკითხე საკუთარ თავს: მიიღე თუ არა შედეგი? თუ მიიღე, მაშინ რამდენად შეესაბამებოდა ის დასახულ მიზანს?
5. შენს მარკეტინგულ სტრატეგიას სჭირდება ექსპერტიზა
მარკეტინგი დროთა განმავლობაში ფოლადივით გამოიწრთო, თუკი ადრე ის მეორეხარისხოვანი იყო, ახლა მის გარეშე მუშაობა წარმოუდგენელია. ბევრ კომპანიას არ აქვს დრო მომხიბვლელი მარკეტინგული სტრატეგიის შექმნისა და რეალიზაციისთვის. ის კომპანიებიც, რომლებსაც საკუთარი მარკეტინგის მენეჯერიც კი ჰყავთ, დგებიან სპეციალური დახმარების საჭიროების წინაშე. მნიშვნელოვანია, გვერდით გყავდეს ისეთი სპეციალისტები, რომლებმაც იციან, თუ როგორ მოიზიდონ მომხმარებელი, როგორ შექმნან არაჩვეულებრივი ვებ-გვერდი, როგორ სრულყონ USP და როგორ გამოიყენონ ბაზარი სწორად.

6. მარკეტინგული სტრატეგია იზომება მიღწეული წარმატებით
წარმატების მიღწევა მარტივია, თუმცა რთული მისი შენარჩუნებაა. აუცილებელია აღწერო შენი ბიზნესის ყველა წარმატება, ზედმიწევნით კარგად იცოდე, თუ რომელმა კამპანიამ რა შედეგი გამოიღო და გაამართლა თუ არა მიზანმა საშუალება. არ არის აუცილებელი, რომ მოდელი „დაგეგმე, გააკეთე, შეამოწმე“ მხოლოდ წარუმატებლობის მიზეზის გამოსააშკარავებლად გამოიყენო, არამედ პირიქით, შეგიძლია ამ მეთოდით გაზომო შენი წარმატება. თუკი ხედავ, რომ რომელიღაც კამპანიამ წარმატება მოგიტანა, გაჰყევი მას, გააუმჯობესე და დაიპყრე მომხმარებელთა გულები!

ეს 6 ელემენტი ყველაფერი არ არის, რაც სჭირდება შენს მარკეტინგულ სტრატეგიას, თუმცაღა მათ გარეშეც შეუძლებელია. გაითვალისწინე ეს რჩევები და ნახავ, რომ შენი ბიზნესის სტრატეგიის დასაწყისი წარმატებული და მომგებიანი იქნება.

მოგვწერეთ